আফনার জেনারেল প্র্যাক্টিস (GP) তাকিন কিতা আশা খরা যায় আর আফনে তারারে কিলাখান সায্য খরতে ফারইন ইকান ই নির্দেশনাত কওয়া অইছে, যেন আফনে ন্যাশনাল হেলথ সার্ভিস তাকিন সব তাকিন বালাটা ফাইয়া থাখইন। নিছর লিংকহখলর মাদ্দমে আরো বিস্তারিত জানা যাইবো।
আফনে কুমবালা আর কিলাখান আফনার জেনারেল প্র্যাক্টিসর লগে যুগাযুগ খরতে ফারবা?
আফনার জেনারেল প্র্যাক্টিস সোমবার তাকিন শুক্রবার, সখাল 8:00টা তাকিন হাইনজা 6:30টা ফর্যন্ত খুলা থাখে।
ই সময়টাত আফনে বা আফনার কেয়ারার আফনার ফক্কে:
- প্র্যাক্টিসর লগে সাক্কাত খরতে ফারবা।
- তারারে কল খরতে ফারইন।
- প্র্যাক্টিসর ওয়েবসাইট বা NHS অ্যাপ ব্যবহার খরিয়া অনলাইনে যাইতে ফারইন।
আফনার লাগি যেটা সব তাকিন বালা অটার উফরে বিত্তি খরিয়া আফনে আফনার প্র্যাক্টিসর লগে যুগাযুগর উফায় থিক খরতে ফারইন। থুরা থুরা প্র্যাক্টিস তুলনামূলক লম্বা সময় থাখইন বা জরুরি কুনো প্রশ্ন থাখলে তারার লগে ফোনে বা সশরীরে যুগাযুগ খরার লাগি আফনারে কইতে ফারে।
প্র্যাক্টিস বন্দ অই গেলে কিতা খরতে অইবো?
জেনারেল প্র্যাক্টিস বন্দ থাখা অবস্থায় যদি আফনার শারীরিক বা মানসিক স্বাইস্থ্যর লাগি যদি জরুরি সায্যর দরখার অয় আর তা খুলা ফর্যন্ত যদিন আফনে অফেক্কা খরতে ফারইন, তবে অনলাইনে 111.nhs.uk-ও যাইন বা 111 নম্বরে কল খরইন। তারফরে কিতা খরতে অইবো তারা ইতা আফনারে কইবা।
যদিন ইতা খুব দরখারি অয় তাইলে কিতা খরতে অইবো?
যদিন ইতা খুব দরখারি অয় বা জীবন-হুমকির মাজে ফরে, তবে সরাসরি A&E (অ্যক্সিডেন্ট অ্যান্ড ইমারজেন্সি)-ও যাইন বা 999 নম্বরে কল খরইন।
অ্যাপয়েন্টমেন্টর লাগি অনুরোদ খরতে আফনে যদিন আফনার প্র্যাক্টিসর লগে যুগাযুগ খরইন তবে কিতা গটবো?
আফনে যদিন ফোনে বা অনলাইনে আফনার প্র্যাক্টিসরে অনুরোদ খরইন বা সরাসরি তার লগে সাক্কাত খরইন, তবে আফনারে থুরা তইথ্য দেওয়ার লাগি কওয়া অইবো, যেন আফনার চিকিৎসাগত দরখারর উফরে বিত্তি খরিয়া যেটা সব তাকিন বালা অয় তা তারা মূল্যায়ন খরতে ফারইন। প্র্যাক্টিস টিম অ্যাপয়েন্টমেন্টর লাগি বা চিকিৎসাগত ফরামর্শর লাগি আফনার অনুরোদ বিবেছনা খরবা আর আর তারফরে কিতা অইবো ই বেফারে এক কার্যদিবসর মাজে আফনারে জানাইবা।
ইটা অইতে ফারে:
- অউ দিন বা ফরর দিন একটা অ্যাপয়েন্টমেন্ট
- অউ দিন বা ফরর দিন এখটা ফোন কল
- আফনার প্রশ্নর উত্তরে এখটা টেক্সট মেসেজ।
- ফার্মেসি বা অইন্য কুনো NHS সার্ভিসও যাওয়ার ফরামর্শ দেওয়া।
আফনার চিকিৎসাগত দরখারর উফরে বিত্তি খরিয়া আফনার লাগি যা সব তাকিন বালা অইবো ই বেফারে আফনার প্র্যাক্টিস সিদ্ধান্ত নিবা।
আফনার প্র্যাক্টিস আফনারে খালিন ফরর দিন কল খরার লাগি খইতে ফারতা না।
আফনারে খে সায্য খরতে ফারইন?
এখজন GP-র লগে বা নার্স বা ফার্মাসিস্টর লাখান প্র্যাক্টিসর আরও কুনো সদস্যর লগে সরাসরি অ্যাপয়েন্টমেন্ট বা ফোন কল খরার লাগি আফনারে অফার খরা অইতে ফারে।
আফনার যদিন কুনো কেয়ারার থাখে, তবে আফনার সম্মতি লইয়া তারা আফনার ফক্কে মাততে ফারইন।
আফনে আফনার ফছন্দর কুনো স্বাইস্থ্যকর্মীর লগে সাক্কাত খরতে ছাইতে ফারইন আর প্র্যাক্টিসে আফনার অনুরোদ ফুরা খরার চেষ্টা খরবা, যদিও অউ মানুষরে ফাওয়ার লাগি আফনারে লম্বা সময় অফেক্কা খরতে অইতে ফারে।
এখই স্বাইস্থ্যকর্মীরে দেখাইতে ফারলে তা সহায়ক অইতে ফারে, বিশেষ খরিয়া, যদিন আফনার লম্বা সময়কুর স্বাইস্থ্য সমস্যা থাখে।
কত বছর বয়স তাকিন আফনে নিজেউ এখজন GP-র লগে সাক্কাত খরতে ফারবা?
আফনার বয়স 16 বছর বা তার বেশি অইলে, আফনে নিজর অ্যাপয়েন্টমেন্ট লইয়া দেখা খরতে ফারবা।
আফনার বয়স 16 বছরর খম অইলেও, আফনে আফনার মা বাফ বা অবিবাবক ছাড়াউ GP-র লগে সাক্কাত খরার লাগি খইতে ফারবা বিষয়টা আফনার লাগি উফযুক্ত কি না ই বেফারে GP-য়ে সিদ্ধান্ত নিবো।
আফনার এখটু বেশি সায্যর দরখার অইলে কিতা খরতে অইবো?
আফনে যদিন ইংরেজি খইতে না ফারইন, তবে আফনে যেবলা অ্যাপয়েন্টমেন্ট নিবা তেবলা আফনার ফছন্দর মাতরে কইয়া দেওয়ার সায্য দেওয়ার লাগি খইতে ফারইন।
আফনার যদিন লম্বা সমকুর লাগি অ্যাপয়েন্টমেন্টর লাখান বেশি কুনো সায্য, নিরিবিলি জায়গা, হুইলচেয়ারর অ্যাক্সেস বা আলাদা ফরম্যাটে তইথ্যর দরখার অয়, তাইলে আফনার প্র্যাক্টিসরে খইন আর তারা সায্য খরার চেষ্টা খরবা।
আফনে কিলাখান জেনারেল প্র্যাক্টিস ঠিক খরবা?
আফনে খরতে ফারইন:
- এখজন স্থানীয় প্র্যাক্টিসরে কল খরইন বা সাক্কাত খরইন।
- অনলাইনও Find a GP ব্যবহার খরইন
আফনে যদিন বদলাইয়া নয়া কুনো জেনারেল প্র্যাক্টিস ফাইতে ছাইন, তবে যেকুনো সময় আফনে ইটা খরতে ফারইন। বেশিরবাগ মানুষেউ তারার কান্দাকাছাত কয়েকজনরে ফাইয়া থাখইন।
আফনার কিতা আইডি বা ঠিকানার প্রমাণর দরখার আছে?
না, আফনার কুনো আইডি, NHS নম্বর বা ঠিকানার প্রমাণর দরখার নাই। আফনার যদিন তা থাখে তবে ইটা প্র্যাক্টিসরে সায্য খরতে ফারে, তবে রেজিস্ট্রেশন খরতে বা GP-রে দেখাইতে ইটার কুনো দরখার নাই। আফনে গরবাড়ি ছাড়া অইলে এখজন প্র্যাক্টিসর লগে রেজিস্ট্রেশন খরতে ফারবা।
আফনার রেজিস্ট্রেশনর বেফারে কুনো প্র্যাক্টিসয়ে কিতা ‘না’ খইতে ফারবানি?
যদিন তারা না খইন তবে তারা অবশ্যই 14 দিনর মাজে আফনারে লিখিতবাবে জানাইবা আর খারণ গাইবা। খালি কুনো বালা খারণে এখজন প্র্যাক্টিসয়ে ‘না’ খইতে ফারবা, যেমন যদিন আফনে অনেক দূরই থাখইন বা তারার রুগির লিস্ট ফুরা অইয়া থাখে। উদাহরন দেওয়ার মতো, ইমিগ্রেশন অবস্থা, স্থায়ী ঠিকানা না থাখা বা সমানে সমান বিষয়ক আইনর মাজে থাখা অন্যাইন্য বৈশিষ্ট্যর লগে সম্পর্কিত বিষয়র মতো খারণে তারা আফনাকে ‘না’ খইতে ফারতা নায়।
আফনারে কুনো হাসপাতাল বা ক্লিনিকও রেফার খরা অইবো ইটা কিতা আফনে নিজে বাছাই খরতে ফারবানি?
যদিন শারীরিক বা মানসিক স্বাইস্থ্যর অবস্থার লাগি আফনার GP-য়ে আফনারে রেফার খরার দরখার মনে খরে, তাইলে বেশিরবাগ ক্ষেত্রেউ আফনে কুনো হাসপাতালও বা সার্ভিস নিতে ছাইন, তা বাছিয়া নেওয়ার অদিকার রাখইন। বাছিয়া নেওয়ার লাগি আফনার অদিকারর বেফারে আরো তইথ্য আফনে ওখানো ফাইবা।
আফনে যদিন যুক্তরাজ্য-ত নয়া অইয়া থাখইন
তারফরেও আফনে এখজন GP-র গেছে রেজিস্ট্রেশন খরতে ফারবা। ইটা বিনা ফয়সায় ব্যবহার খরা যাইবো আর আফনার ইমিগ্রেশন অবস্থা GP-র লগে আফনার রেজিস্ট্রেশন খরার অদিকারর উফরে কুনো প্রভাব ফালাইতো নায়।
আফনে যদিন বাড়ি তাকিন দূরই থাখইন, তবে যুক্তরাজ্যত-ও থাখইন
আফনে যদিন বাড়ির বাইরে 24 ঘণ্টার বেশি (তবে 3 মাসর কম) সময়র লাগি অবস্থান খরইন, তাইলে যেখানো থাখরা অউ এলাকার কান্দাকাছাত আফনে সাময়িক রুগি হিসাবে রেজিস্ট্রেশন খরতে ফারইন।
আফনে আফনার ঠিক খরা ফার্মেসিও বদলাইতে ফারবা, যাতে আফনে আফনার অসুদ কান্দাকাছাত তাকিউ নিতা ফারইন। আফনে আফনার প্র্যাক্টিসর লগে যুগাযুগ খরিয়া বা NHS অ্যাপর মাদ্দমে ইটা খরতে ফারইন।
জেনারেল প্র্যাক্টিস-য়ে কিতা কুন্তার লাগি খরছ লইয়া থাখেনি?
NHS GP সার্ভিসহখল বিনা ফয়সায়। মাজে মাজে, যদিন আফনে আফনার GP-রে ব্যক্তিগত কাম (যেমন ইনস্যুরেন্সর লাগি চিটি লেখা) খরতে খইন, তাইল তারা ইটার লাগি ফি নিতে ফারে।
সবর লগে কিলাখান আছরণ খরা উছিত?
প্র্যাক্টিসর উছিত সবর লগে সমানবাবে, দয়া খরিয়া আর সম্মানর সহিত আছরণ খরা। অলাখান, আফনারেও স্টাফহখলর বায়দি সম্মানর লাখান আছরণ খরতে অইবো। যদিন কুনো রোগী স্টাফহখলর বায়দি হিংসার বা বেইজ্জতির মতো আছরণ খরইন, তাইলে প্র্যাক্টিস তারারে লিস্ট তাকিন বাদ দিতে ফারইন।
আফনার অদিকারর বেফারে আরো জানতে, আফনে NHS Constitution ফড়তে ফারইন।
আফনে আফনার জেনারেল প্র্যাক্টিসরে কিলাখান সায্য খরতে ফারইন?
- প্রসতুত থাখইন: কুনো অ্যাপয়েন্টমেন্টর আগে, আফনার লক্কনহখল, আফনে যে খারণে চিন্তাত আছইন অউ খারণহখল আর যেগুন লইয়া আলোছনা খরতে ছাইন ইতা লেকিয়া রাখার খতা চিন্তা খরইন।
- সময়মতো উফস্থিত থাখইন: কুনো অ্যাপয়েন্টমেন্টও দেরিতে পৌঁছানি বা ঠিক খরা সময়কুর কলব্যাকও উফস্থিত না থাখা অন্যাইন্য রুগিনতর উফরে প্রবাব ফালাইতে ফারে।
- দরখার অইলে বাতিল খরইন: যদিন আফনে অ্যাপয়েন্টমেন্টও যাইতে না ফারইন, তাইলে যত যলদিন সম্বব প্র্যাক্টিসরে জানাইন, যাতে তারা অটা অইন্য কেউরে দেওয়ার সুযুগ ফায়।
- NHS অ্যাপ বা ওয়েবসাইট ব্যবহার খরইন: যদিন আফনে স্মার্টফোন বা কম্পিউটার ব্যবহার খরাত আত্মবিশ্বাসী অইন, তাইলে আফনে অনলাইনে অ্যাপয়েন্টমেন্ট বুক বা বাতিল খরতে, আরখবার প্রেসক্রিপশনর অর্ডার দিতে আর আফনার টেস্টর রেজাল্ট দেখতে ফারবা।
- নোটিফিকেশন ছালু খরইন: যদিন আফনে NHS অ্যাপ ব্যবহার খরইন, তাইলে নোটিফিকেশন ছালু খরি দেইন, যাতে প্র্যাক্টিস আফনার লগে আরো সহজে যুগাযুগ খরতে ফারে। দয়া খরিয়া মেসেজর উফরে নজর রাখইন।
- আরখবারর অসুদ সময়মতো অর্ডার খরইন: সময়মতো আরখবার প্রেসক্রিপশন চাওয়ার বিষয়টা নিশ্চিত খরইন, যাতে অসুদ শেষ ওই না যায় আর খালিন আফনার যা দরখার অটাউ অর্ডার খরইন।
- প্যাশেন্ট পার্টিসিপেশন গ্রুপও যুগ দেইন: আফনার প্র্যাক্টিসও রুগিনতর এখটা দল থাখবো, যেরা দেওয়া সার্ভিসহখলর বেফারে মতামত দিতে ফারে। আফনে কিলাখান যুগ দিতে ফারবা তা আফনার প্র্যাক্টিসর ওয়েবসাইটও বয়ান খরা থাখবো।
আফনে কিলাখান মতামত দিতে বা চিন্তা তুলিয়া দরতা ফারবা?
যদিন আফনে মতামত দিতে ছাইন, কুনো চিন্তা প্রকাশ খরতে ছাইন বা আনুষ্ঠানিকবাবে অবিযুগ জানাইতে ছাইন, তাইলে প্র্যাক্টিস ম্যানেজারর লগে মাতার অনুরদ খরইন। যদিন আফনে ইটা খরতে আরাম ফাইন না, তাইলে আফনার ইন্টিগ্রেটেড কেয়ার বোর্ড (ICB)-র লগে যুগাযুগ খরইন — ইটা অইলো স্থানীয় NHS সংস্থা, যা GP-র প্র্যাক্টিসহখলরে তদারকি খরে। আফনে আফনার স্থানীয় ইন্টিগ্রেটেড কেয়ার বোর্ড ওখানো ফাইবা।
আফনে ছাইলে আফনার প্র্যাক্টিসর বেফারে মতামত স্থানীয় হেলথওয়াচরেও জানাইতে ফারইন। তারার কাম অইলো নিশ্চিত খরা যে NHS-অর নেতৃবৃন্দ আর অন্যাইন্য সিদ্ধান্তনেওরা হখলে আফনার মাত হুনরা আর আফনার মতামত ব্যবহার খরিয়া স্বাইস্থ্যসেবার মান উন্নয়ন খররা। হেলথওয়াচ অইলো এখটা স্বাদিন আর নিরপেক্ক প্রতিষ্ঠান, আর তারার লগে আফনার শেয়ার খরা যেকুনো তইথ্য লুকাইয়া রাখা অয়। আফনার স্থানীয় হেলথওয়াচ তুকাইয়া ফাইতে, ভিজিট খরইন: আফনার স্থানীয় হেলথওয়াচ তুকাইয়া নেইন | হেলথওয়াচ